Siglir tar il cuntegn
cuntegn

Engiadina Il Cresta Run – en avegnir era per dunnas

Sin emprova e quai durant ils proxims dus onns, quai en las cundiziuns dal Cresta Club.

66% dals commembers ston consentir, 67% han decis. A partir dad immediat dastgan era las dunnas dals commembers dal Cresta Club – ch'exista gia dapi 90 onns – era schlittar cul skeleton da San Murezzan enfin a Schlarigna.

Questa decisiun sin emprova vala per ils proxims 2 onns e quai durant 30 dis da stagiun. La decisiun è vegnida fatga causa il squitsch davart dal militar Englais, quel aveva pretais ch'era dunnas duessan pudair trenar sin quel traject.

Il Cresta Run

Il Cresta Run è in chanal da glatsch tranter San Murezzan e Schlarigna che vegn fabritgà mintg'onn da nov. Inventà il skeleton, quest sport da glischnar cun ina schlitra sin venter e cun passa 100 km/h giu dal chanal, han ils Englais durant l’enviern 1884/85.

Dal 1929 è lura vegni fundà il Cresta Club. Enfin ad oz era quai in sport exclusiv per ils umens, ussa suenter 90 onns dastgan era las dunnas sa participar.

RR novitads 17:00