Siglir tar il cuntegn

Engiadina Il cumbat dubel sco biatleta svizra

20'000 ramassan las 3 biatletas engiadinaisas Selina, Elisa ed Aita Gasparin sur la plattafurma «I believe in you». Ils raps dovran ellas per pajar il trenader Norvegiais Vegard Bitnes.

Aita, Elisa e Selina Gasparin.
Legenda: Sin «I believe in you» ramassan Aita, Elisa e Selina 20'000 francs per pajar il trenader. RTR, A. Wieland

Las 3 soras èn las unicas biatletas svizras che han in trenader da chasa. Quai gia dapi 3 onns. Ellas èn persvasas ch'igl è mo pussaivel d’esser tar l’elita dal mund, sch’ins trenescha 4 emnas professiunalmain cun in trenader.

«La medaglia olimpica da Selina na fiss forsa betg stada pussaivla senza il trenader»

Quai di Elisa Gasparin. Mo cun in trenader han ellas la schanza da vegnir vinavant. Il trenader gida en tut las situaziuns e curregia sbagls, che pudessan capitar sch’ellas trenassan sulettas.

Vegnir vinavant sportivamain è ina chaussa, l'autra èn ils raps. Il sport è char, ils raps betg enturn en massas.

Difficil da ramassar ils raps

41 dis han ellas anc temp da cuntanscher ils 20'000 francs sur la plattafurma «I believe in you». , il link avra en ina nova fanestraEnfin ussa èn mo rivads ensemen 2'280 francs. Ellas speran fitg sin il sustegn da la populaziun.