Siglir tar il cuntegn
cuntegn

Engiadina Il directur ad interim resta a l’Institut Otalpin a Ftan

Sven Kohler cuntinuescha sco directur ad interim. El è vegnì elegì la fin da l’onn passà sco directur interimistic da l’institut Otalpin a Ftan fin la fin da l’onn da scola 2015.

Il directur ad interim da l'Institut Otalpin Ftan, Sven A. Kohler
Legenda: Sven A. Kohler resta directur interimistic al IOF Il directur ad interim da l'Institut Otalpin Ftan, Sven A. Kohler mad IOF

Il cussegl d’administraziun ha ussa dapli temp per chattar ina soluziun definitiva suenter la demissiun a curta vista da l'anteriur directur Bruno Büchi.

Sven Kohler saja pront da cuntinuar er proxim onn da scola sco directur interimistic. Il cussegl d’administraziun è fitg cuntent cun questa decisiun pervia che Sven Kohler haja fat fitg buna lavur durant il curt temp ch’el è a Ftan. El haja dà impuls fitg impurtants per la scola, el haja cuntanschì la confidenza da la magistraglia e dals scolars. Sven Kohler saja ussa gia enconuschent en la regiun sco manader cumpetent. Per il cussegl d’administraziun saja la cuntinuitad da grond’impurtanza.

Causa la situaziun famigliara da Sven Kohler na saja betg pussibel da surpigliar actualmain la direcziun definitiva. Ussa ha il cussegl d’administraziun temp fin dal 2016 per chattar ina soluziun.

RR novitads 11:00