Siglir tar il cuntegn

Header

Simone Fahrni
Legenda: Simone Fahrni en sia chasa da refurma RTR/V.Rominger
cuntegn

Engiadina Il Fahrni a San Murezzan tschertga in nov possessur

Chattar insatgi che cumpra il negozi è dentant tut auter che simpel, di la possessura actuala Simone Fahrni. Dapi in onn tschertga ella, plir interessents haja ella gì, anc è il negozi dentant betg vendì.

450'000 francs vul ella per il negozi cun inventar e tut. Ina summa modesta ha ella l'impressiun ed era ina sur da quella as possia forsa discutar. Il pli impurtant per Simone Fahrni saja che il negozi vegnia manà enavant sco enfin ussa. Damai sco chasa da refurma.

Purschida adina pli dumandada

Ils products numnadamain saja dumandads tar indigen ed ester. Il trend da sa nutrir saun creschia. Ella haja dentar auter blera clientella enconuschenta che vegn a far vacanzas a San Murezzan. Clientella che restass segir mantegnida als possessurs futurs uschè Fahrni. I dovra simplamain insatgi che stat davos il concept ed ils products, insatgi che fa la lavur cun cor e passiun. Sco quai ch'ella haja fatg dapi 25 onns.

Il negozi Fahrni
Legenda: Dapi 25 onns exista il negozi a San Murezzan RTR/V.Rominger

Artitgels legids il pli savens

Scrollar a sanestra Scrollar a dretga