Quatter temas stattan en il center dals dus dis al forum da turissem da las regiuns alpinas.
Mountain-City Hub
Adina dapli giasts derivan da martgads lontans, platgan cun l'eroplan en ina citad e vegnan lura tar las regiuns da skis. Qua èsi d’impurtanza centrala che la collavuraziun turistica tranter citad e muntogna funcziuna optimal.
Per Martin Sturzenegger, il directur da Turich Turissem èsi cler, las destinaziuns ston collavurar ensemen. Il giast da l’India sco exempel, vul vesair la citad da Turich ma era ir culs skis. Precis quella purschida ins sto metter ensemen e vender communablamain.
Pretschs dinamics
Il model dals pretschs dinamics sco er quella da la «Bergbahnen Engadin St. Moritz Mountains» fa scola. Adina dapli regiuns s’interessan per quest model.
Bike-Hype
Bikes normals, downhill ed e-bikes inundan las regiuns turisticas alpinas – è il biker propi il skiunz da l’avegnir? Mainagestiuns da pendicularas vesan ils avantatgs e dischavantatgs e discutan da quels al forum.
Suveranitad en il turissem
Il turissem en las alps ha ina gronda valur da creaziun – ma il turissem vegn sut squitsch, adina dapli colliaziuns da traffic, adina dapli giasts vegnan en las vals e sin las muntognas – ina smaladicziun. Novas ideas e pussaivladads vegnan preschentadas.
RR actualitad 12:00+