Siglir tar il cuntegn

Header

video
Grischun en 100 onns: Prognosa da Felix Keller
Or da Telesguard dals 01.12.2022.
laschar ir. Durada: 4 minutas 8 Secundas.
cuntegn

Il Grischun en 100 onns Tge capita cun ils glatschers?

Far oz prognosas davart il svilup dals glatschers ils proxims 100 onns na fetschia nagin senn, di Felix Keller, il glaziolog da Samedan. Numnadamain vesia mintgina e mintgin il regress da quels e quai na sa midia er betg ils proxims onns. Impurtant tenor Felix Keller saja da betg mo discurrer davart la problematica mabain da reagir. Per quai veglia quai en emprima lingia motivaziun. Mo sch’ins saja motivà saja ins er pront da reagir, uschia Keller.

Project d’ennavaziun

Il Samedrin è motivà ed el agescha er. Numnadamain ha el sviluppà ensemen cun in team in sistem d’ennavaziun per ils glatschers. Ina pendiculara speziala per ennavar cun reciclar l’aua luada. Emprims tests cun quel sistem èn entant vegnids fatgs. Tenor Felix Keller pudess quest sistem betg mo franar il regress dals glatschers, mabain er esser in svilup per ir pli ecologic cun skis en l’avegnir.

RTR actualitad 17:00

Artitgels legids il pli savens

Scrollar a sanestra Scrollar a dretga