Siglir tar il cuntegn

Header

Navigaziun

cuntegn

Engiadina Il nov hotel a Segl vegn pli concret

Il biro Küchel SA da San Murezzan, Ingenhoven Architects da Düsseldorf e bbz landschaftsarchitekten da Berna dastga bajegiar l’hotel a la staziun da val da la pendiculara Furtschellas a Segl. Quai ha communitgà la Corvatsch SA.

Pendiculara Furtschellas.
Legenda: Il nov hotel vegn bajegià dasper la staziun da val da la pendiculara Furtschellas. RTR, David Spinnler

Il project prevesa in hotel da «ski-in-ski-out» cun 100 stanzas dublas en il sectur da trais stailas. Sco proxim duai il project vegnir concretisà.

Nov teams d’architectura han gì temp tschintg mais per elavurar il project. Els han tranter auter gì da resguardar il concept da gestiun e da spazi ch'è vegnì giavischà da la Gastgeber 3.0. SA. L’organisaziun ch'è spezialisada en manar hotels e che vegn a surprender il manaschament dal nov hotel a Segl.

La primavaira duain lura tut ils nov projects da la concurrenza d’architectura vegnir preschentads a la publicitad.

RR novitads 14:00