Siglir tar il cuntegn
cuntegn

Engiadina Il pilot Maurizio Folini gida a Nepal

Chasas ed entiras vischnancas destruidas. Di per di fa Maurizio Folini sgols d'agid. Ils purtrets sa repetan, mo las coordinatas sa midan raquinta l’um da 50 onns. El lavura uschiglio èn l’Engiadina. Ussa è el en il lieu da catastrofa per gidar nua ch'i fiss pussaivel nagin agid senza helicopters.

Maurizio Folini èn l'helicopter
Legenda: Maurizio Folini fa plirs sgols al di en la regiun pertutgada M.Folini

El sgola mintga di pliras uras acziuns da salvament e d’agid. Sco emprim stuevan el e ses collegas ir a deliberar ils alpinists esters che era serrads èn en las vals dal Nepal.

Ussa èn els vidlonder da sgular rauba d’agid en las vischnancas ed aglomeraziuns tar la glieud ferm pertutgada dal grev terratrembel als 25 avrigl. Entant funcziuna la lavur bain quinta Maurizio Folini al telefon.

« Sch’ins sgola sur las vischnancas or – ins vesa tut destruì, igl è incredibel e fitg trist »

Da vischnancas cun 500 chasas stan forsa anc 10 quinta Maurizio. Ils indigens dentant na vulan betg bandunar lur dachasa. Els èn schon puspè vidlonder da bajegiar si tge che va ed engraziaivels per l’agid estra.