Siglir tar il cuntegn
Inhalt

Engiadina Il Piz Buin a Guarda resta indigen

La SA Meisser Hotels cumpra l’hotel Piz Buin. Al medem mument daventa Mattias Bulfoni nov president dal cussegl administrativ.

La fatschada dal hotel Piz Buin a Guarda
Legenda: La fatschada da l'hotel Piz Buin a Guarda RTR, Georg Luzzi

Adina puspè vegniva speculà sur da l’avegnir da l'hotel Piz Buin a Guarda. Uss èsi cler – dus indigens surpiglian quel object.

Ils possessurs da l'hotel Meisser ed il fundatur da la Clinica Holistica a Susch cumpran l’hotel Piz Buin. Ensemen cun questa cumpra daventa Mattias Bulfoni da la clinica il nov president dal cussegl administrativ da la SA Meisser Hotels.

Cun questa cumpra dessan vegnir optimadas las sinergias tranter ils hotels Meisser e Piz Buin. In studi da la firma Fravi & Fravi ha demussà ch'in hotel stoppia avair ina tscherta grondezza per pudair render era en il futur a Guarda. Tenor ina communicaziun a las medias saja segirà l'affar cun la cumpra.

La finamira da la famiglia Meisser è da porscher in hotel avert durant l’entir onn e quai inclusiv ina purschida en il sectur da fitness e wellness.

RR novitads 18:00