Siglir tar il cuntegn

Header

La furmaziun da la musica da giuvenils Engiadina Bassa en la versiun schlargiada.
Legenda: La furmaziun da la musica da giuvenils Engiadina Bassa en la versiun schlargiada. mad
cuntegn

Engiadina Il plaschair stat en il center, betg la nota

Ils giuvenils che fan part en la furmaziun da musica engiadinaisa derivan da differents lieus tranter Puntraschigna e Tschlin. Tenor il co-dirigent da la musica, Flurin Lehner, saja la gruppa creschida ensemen ferm ils davos mais. Per part haja er dà novas amicizias tranter ils giuvenils.

Da 10 fin 25

Ina da las grondas sfidas per ils responsabels saja da resguardar adina puspè ch’ils giuvenils èn da fitg differentas vegliadetgnas. Surtut durant il viadi e segiurn a Burgdorf durant la festa federala.

Las ambiziuns per survegnir ina buna nota per ils dus tocs da gala, quellas sajan main grondas, uschia il co-dirigent da Zernez. Prima prioritad haja il plaschair da pudair esser part da la gronda festa.

Video
Exercici da la musica da giuvenils Engiadina Bassa
Or da RTR Social dals 20.09.2019.
abspielen

RR actualitad 17:00