Actualmain tschertgan experts puspè il pli bel prà da la regiun Engiadina Bassa, Val Müstair e Samignun. Quai en il rom dal campiunadi da la prada. Quel vegn organisà en differentas regiuns da la Svizra sut il patrunadi da la "Cuminanza d'interess cuntrada cultivada", dal "Forum biodiversitad Svizra" e da l'Uniun purila svizra.
Infurmaziuns custaivlas per ils purs
Trais experts - in agronom, in botanicher ed in pur - valiteschan la prada en concurrenza. Ils purs che han annunzià in prà survegnan infurmaziuns davart la qualitad dal terren, ma era davart las diversas plantas che creschan.
audio
La tschertga dal pli bel prà.
ord Actualitad dals 09.06.2015.
laschar ir. Durada: 3 minutas 24 Secundas.
En la regiun Engiadina Bassa, Val Müstair e Samignun participeschan 51 purs cun 75 prads al campiunadi da la prada. La surdada dal premi è ils 10 da fanadur a Tschlin.