Quest project è vegnì lantschà da la gruppa «Mia Engiadina» ensemen cun l’Energia Engiadina. Da la partida a quest project en las vischnancas da La Punt Chamues-ch fin Samignun. La finamira è che mintgin possia avair access sin quella rait ch’ha ina bler pli gronda capacitad che la rait d’arom. Sper quai è er previs da fabritgar in center d’innovaziun per firmas indigenas.
Regenza sustegna concept da svilup da l’Engiadina Bassa
L'interpresa Energia Engiadina SA survegn sustegn finanzial da la regenza grischuna per realisar il nov center d'innovaziun. En il rom da la nova politica regiunala da la Confederaziun survegn il project ina contribuziun maximala da 356’000 francs.
La contribuziun vegn surpigliada mintgamai per la mesadad dal chantun e da la Confederaziun. En cooperaziun cun interpresas ch'èn dependentas da l'export duai il center d'innovaziun far pli attractiva l’Engiadina Bassa sco plazza economica, lieu da lavur u er sco domicil.