Pliras societads d’alp en Engiadina van pir ils proxims dis cun il muvel ad alp. Quai èn radund dus emnas pli tard che usità. Suenter l’enviern brama surtut il muvel sin la primavaira. Quel sa legra dastgar ir ora a pascular e magliar ervas frestgas empè dal fain sitg ch'els han gì tut l’enviern. Blera erva frestga n'hai anc betg però il muvel sto plaunet ora.
In pau erva crescha e da la fom na crappan ils animals betg.
Suenter la stad sitga da l’onn passà cun pauc fain manca il pavel per tegnair il muvel en stalla. Il squitsch sin las societads d’alp è grond da far tut il pussibel per dastgar ir cun il muvel ad alp.
Blers purs han il clavà vid. Quai è era in motiv che nus main cun il muvel uschè svelt co pussibel a pastg.
La situaziun actuala n'è betg agreabla per ils purs. Els na vulan dentant betg dramatisar la situaziun. Sche las temperaturas creschan ils proxims dis po sa midar tut fitg svelt.
Jau pens ch'i po er dar in fitg bun onn cun bler fain cunquai ch'il terren è bel umid.
RR actualitad 11:00