Siglir tar il cuntegn

Header

Navigaziun

Legenda: Guardar il video Il retard da la primavaira – dilemma pels purs. Durada 02:44 minutas.
Or da Telesguard dals 31.05.2019.
cuntegn

Engiadina Il retard da la natira – la sfida dals purs

La vegetaziun ha quest onn grond retard, en tschertas regiuns fin trais emnas. Ina sfida per il purs.

Pliras societads d’alp en Engiadina van pir ils proxims dis cun il muvel ad alp. Quai èn radund dus emnas pli tard che usità. Suenter l’enviern brama surtut il muvel sin la primavaira. Quel sa legra dastgar ir ora a pascular e magliar ervas frestgas empè dal fain sitg ch'els han gì tut l’enviern. Blera erva frestga n'hai anc betg però il muvel sto plaunet ora.

In pau erva crescha e da la fom na crappan ils animals betg.
Autur: Reto Vilettachau d'alp
nursas che pasculeschan
Legenda: las nursas n'han betg bler da magliar – dentant avunda. RTR, Armon Schlegel

Suenter la stad sitga da l’onn passà cun pauc fain manca il pavel per tegnair il muvel en stalla. Il squitsch sin las societads d’alp è grond da far tut il pussibel per dastgar ir cun il muvel ad alp.

Blers purs han il clavà vid. Quai è era in motiv che nus main cun il muvel uschè svelt co pussibel a pastg.
Autur: Reto Vilettachau d'alp

La situaziun actuala n'è betg agreabla per ils purs. Els na vulan dentant betg dramatisar la situaziun. Sche las temperaturas creschan ils proxims dis po sa midar tut fitg svelt.

Jau pens ch'i po er dar in fitg bun onn cun bler fain cunquai ch'il terren è bel umid.
Autur: Reto Vilettachau d'alp

RR actualitad 11:00