La Val Müstair è levgiada: Il hotel Schweizerhof avra puspè las portas. Hans Ulrich Bühler è il nov possessur che ha cumprà l'hotel che aveva fatg concurs en schaner da quest onn. Suenter ina curta fasa da renovaziun avra il hotel sias portas ils 25 da fanadur. Tar in apéro da bainvegni per la populaziun ha Bühler ditg che il Schweizerhof saja in siemi d'infanzia dad el. Che el possia ussa manar quest hotel saja il siemi che saja daventà realitad. Il president communal da la Val Müstair Arno Lamprecht ha ditg a Radiotelevisiun Svizra Rumantscha RTR che i saja in grond plaschair per la Val Müstair che il Schweizerhof saja puspè avert. Quest hotel saja da gronda impurtanza per il turissem e per l'economia da la Val Müstair. Il Schweizerhof e cun sias radund 60 chombras in dals gronds hotels da la Val Müstair ed ha procurà en ses megliers temps per radund 6000 pernottaziuns ad onn.
Engiadina Il Schweizerhof a Sta. Maria avra las portas
Il turissem da la Val Müstair è levgià: in dals pli gronds hotels da la val avra puspè las portas
