Christian Fanzun, il president communal da Scuol, ha infurmà durant la radunanza communala da glindesdi che l'interpresa svizra-ollandaisa LMEY Investments haja decidì da laschar l'hotel Schweizerhof sco hotel. L'interpresa che posseda il Schweizerhof, ha vulì realisar abitaziuns gestiunadas en l'hotel. Quai saja massa char, ha ditg Chrsitian Fanzun. Tenor il capo da Scuol vul ins ussa gestiunar vinavant l'hotel cun ina nova chadaina sco gestiunari. La reavertura saja planisada per la stagiun d'enviern 2020/21.
Da l'interpresa LMEY Investments n'è nagin stà cuntanschibel.
RR actualitad 12:00