Siglir tar il cuntegn

Header

cuntegn

Engiadina Il Scuol Palace avra las portas pir l'onn 2017

La renovaziun dal hotel drova dapli temp che previs, di la societad che gestiunescha il Scuol Palace.

Hotel Scuol Palace
Legenda: Il Scuol Palace: las lavurs da renovaziun n'èn anc betg finidas. RTR/Armon Schlegel

L'hotel Scuol Palace a Scuol vegn anc adina renovà. Las lavurs n'èn anc betg finidas. Ussa annunzia ina nova tavla avant l'hotel dentant che l'avertura da l'hotel è pir l'onn 2017. Enfin avant paucas emnas annunziava in'autra tavla anc l'avertura per quest onn.

Guido Lazzarini, advocat a Samedan e commember dal cussegl administrativ da la societad Palace hotel LLC, ha ditg ad RTR che las lavurs da renovaziun sajan stadas pli cumplicadas che previs. Quai saja il motiv principal per la midada dal termin d'avertura. Davart discussiuns tranter ils possessurs dal hotel e l'interpresa da fabrica che fa las renovaziuns na vuleva Lazzarini betg prender posiziun. I dettia anc proceduras pendentas.

audio
Il Scuol Palace avra las portas l'onn 2017
ord Actualitad dals 10.08.2016.
laschar ir. Durada: 1 minuta 31 Secundas.

Lazzarini è dentant persvadì ch'ils investurs enturn l'investur american Avi Nakash vulan segiramain avrir l'hotel l'onn 2017.

RTR actualitad 17:00

Artitgels legids il pli savens