Il spazi cultural Engiadin’Ota – in spazi unic per Cordula Seger

Durant 14 onns è Cordula Seger s'engaschada intensivamain cun il spazi cultural Engiadin’Ota. Per ils merits è ella vegnida onurada cun il premi da cultura.

Da sanestra; Pia Valär, Cordula Seger e Sara Francesca Hermann Bild in Lightbox öffnen.

Legenda da maletgs: Da sanestra; Pia Valär, Cordula Seger e Sara Francesca Hermann Engadiner Post / Posta Ladina

Dapi 150 onns – pia dapi ch'il turissem exista en Engiadin’Ota – ha quest lieu attratg a bleras persunas estras ed indigenas sco lieu d’inspiraziun. Per Cordula Seger, stat l’Engiadin’Ota sco nagin'autra val per ina cuntrada culturala.

Il motiv per l'engaschament da Cordula Seger

La biblioteca documentara a San Murezzan e l’archiv cultural a Samedan èn tenor Cordula Seger duas instituziuns unicas, che portan in stgazi istoric da gronda muntada per l’Engiadin’Ota.

Cordula Seger è s'engaschada sco curatura e manadra dal museum «La Tuor» a Samedan e per il museum «Mili Weber» a San Murezzan. Ultra da quai ha ella collavurà cun il «Berry Museum» a San Murezzan. Sco docenta, publicista ed autura è ella sa fatschentada fermamain cun il spazi cultural Engiadin’Ota. Per quella lavur è ella ussa vegnida onurada cun il premi cultural.

Dapi l'avust 2017 abita Cordula Seger ensemen cun sia famiglia a Cuira e maina l’instituziun per la perscrutaziun da la cultura Grischuna.

RR actualitad 07:00