Siglir tar il cuntegn
cuntegn

Engiadina Il Spöl spetga anc adina sin guariziun

Ina lavina da belma avant 4 onns e la contaminaziun da PCB tras lavurs da sanaziun dattan fastidi als responsabels.

Legenda: Guardar il video Flum dal Spöl. Durada 03:37 minutas.
Or da RTR dals 08.04.2013.

Avant 4 onns ha ina lavina da belma devastà flora e fauna en il Spöl – il flum che sa chatta en il Parc Naziunal Svizzer. Silsuenter era la natira sa recreada. Plaunsieu, però cuntinuadamain è la natira en ed enturn il flum puspè sa recreada.

Il settember 2016 è capitada la segunda catastrofa: PCB – ina substanza che na sa diminuescha betg biologicamain – è vegnida en il flum. È la substanza ina giada rivada en la chadaina da nutriment tar ils peschs, lura n'èsi quasi betg pli pussaivel da l'eliminar. Ina gruppa da lavur tschertga soluziuns.

La prima tragedia è cun quai ida en emblidanza, rumpatesta dat il problem dal PCB en il flum. Proximamain ha lieu ina sesida cun scienzads ed experts dal Parc Naziunal Svizzer e dal chantun per chattar ina soluziun per il Spöl.

RR actualitad 12:00

PCB (Polychhlorbiphenyl)

Colliaziuns da chlor toxicas che pon effectuar cancer. Fin ils onns 1980 èn quellas surtut vegnidas duvradas en transfurmaturs ed implants idraulics sco liquid idraulic però er sco lomiaders en lacs e meds d’isolaziun. PBC tutgan entant tar las 12 substanzas toxicas organicas ch’èn vegnidas scumandadas il 2001.