Siglir tar il cuntegn

Header

video
Orticultura en privel tras sviament
Or da Actualitad video dals 22.11.2017.
laschar ir
cuntegn

Engiadina Il sviament da Susch – in tema dapi in mez tschientaner

Radund 100 persunas èn stadas preschentas a la saira d'infurmaziun il mardi saira. Diversas variantas èn vegnidas preschentadas – tut è anc avert. Susch sto spetgar vinavant sin ina buna soluziun.

L'interess da la populaziun è stà grond per l'infurmaziun da l'Uffizi da construcziun bassa il mardi saira. Ils radund 100 preschents han prendì cogniziun dal stadi actual a reguard il sviament dal vitg da Susch.

Variantas da 48 enfin 117 milliuns francs

La varianta la pli bunmartgada fiss quella senza in tunnel e tar la varianta la pli chara sa tracti d'in tunnel da radund 900 meters lunghezza. Il chantun preferescha dentant ina varianta da cumpromiss. Quella prevesa da passar per part cun la via tras l'orticultura «Giardinaria Müller SA» e da fabritgar in tunnel da radund 430 meters lunghezza.

La famiglia Müller sa dosta

La famiglia Müller, la possessura da l'orticultura sa dosta cunter il project favurisà dal chantun. Lur affar fiss periclità en l'existenza, sch'i vegniss exproprià terrain da lur orticultura.

Nagin sviament ils proxims onns

Ils discurs tranter la famiglia Müller da l'orticultura ed il chantun proseguan. La finamira è da chattar ina schliaziun che na periclitescha betg l'orticultura e che resta però en ils roms finanzials dal project favurisà dal chantun. Quel custass radund 76 milliuns francs.

video
Sviamaint Susch dal 1996
Or da RTR dals 22.11.2017.
laschar ir

RR novitads 06:00

Artitgels legids il pli savens

Scrollar a sanestra Scrollar a dretga