Siglir tar il cuntegn

Header

Video
Ina sculptura per la glisch
Or da Actualitad video dals 11.12.2016.
abspielen
cuntegn

Engiadina Il tschiel sur nov colonnas a San Murezzan

L’artist Heinz Mack ha inaugurà a San Murezzan sia sculptura ambulanta. Quella è gia stada exposta a Venezia, Istanbul ed a Valencia.

«The sky over nine columns» sa numna la sculptura imposanta che sa chatta ussa giusum il Lai da San Murezzan. Heinz Mack n’ha betg creà ella spezialmain per quest lieu. La sculptura è sin viadi tras l’Europa.

La sculptura

Dal 2012 fin dal 2014 ha lavurà Heinz Mack vi da questa sculptura. Per la prima giada è questa vegnida exposta durant la biennala a Venezia. Pli tard è ella vegnida transportada ad Istanbul e suenter a Valencia.

La sculptura «The sky over nine columns» consista da nov colonnas da passa 7 meters autezza, da 850’000 plattinas d’aur e paisa dapli che 50 tonnas.

L’artist Heinz Mack

Heinz Mack, naschi il1931, è enconuschent sco artist da la glisch. Il 1957 ha el fundà la gruppa «Zero» ensemen cun Otto Piene ed auters artists.

L'artist Heinz Mack, oriund da Lollar en la Germania.
Legenda: L'artist Heinz Mack, oriund da Lollar en la Germania. RTR, Armon Schlegel

Ils artists da la gruppa Zero dovran la glisch ed il moviment sco nova furma d’expressiun en lur art, quai per surmuntar il pessimissem dals onns suenter la guerra. Per che la sculptura haja il dretg effect tschertga l’artist Mack lieus cun ina glisch speziala. Quai è era in motiv che la sculptura passenta l’enviern en Engiadina.

Il viadi da la sculptura cuntinuescha probablamain l’onn proxim.