Siglir tar il cuntegn

Header

cuntegn

Engiadina «Il vasch d’öli» als Dis da cultura Samedan

Part da la terza ediziun dals Dis da cultura a Samedan dals 4 fin ils 6 d’avust 2016 fa er in gieu da teater da la Societad dramatica da Samedan.

audio
Bunura: Dis da cultura Samedan be pli trais dis
ord Actualitad dals 03.08.2016.
laschar ir. Durada: 2 minutas 25 Secundas.

Il comité d’organisaziun enturn Andrea Gutgsell e Lorenzo Pollin ha reducì l’eveniment en Engiadin’Ota sin anc trais dis. Quai surtut ord motivs organisatorics. D'ina vart saja ozendi adina pli difficil da chattar glieud che gida sin basa voluntaria, da l’autra vart possian ins sa concentrar meglier sin trais dis empè da porscher memia bleras occurrenzas.

Il pli difficil è da chattar glieud ch’è pronta da giugar teater sin in palc.
Autur: Andrea Gutgsell Co-iniziant Dis da cultura Samedan

Da la vardad e dal dretg

Ina da las attracziuns dals 3. Dis da cultura Samedan è il teater da la Societad dramatica da Samedan. Ella preschenta sut tschiel avert il toc «Il vasch d’öli» da Luigi Pirandello, scrit l'onn 1923. Jachen C. Arquint aveva translatà il toc en vallader avant bun 40 onns. Mess en puter ha finalmain Andrea Urech il teater popular sicilian.

Art e vita – vita d’art

Sut quest motto ha il festival mess ensemen il program. Sper il teater datti er ina performance da saut cun e da Myriam Gurini. Per attrair er in public pli giuven datti ina prelecziun da Drauff ord il cudesch «Die drei ??? und die flüsternde Mumie». E la finiziun dal festival furma il comicher grischun Rolf Schmid cun ses program «ROLF XXL». Il budget da radund 80’000 francs rivan ils organisaturs da cuvrir surtut cun donaziuns da sponsurs, ha declerà Andrea Gutgsell.

Artitgels legids il pli savens