Siglir tar il cuntegn

Header

Navigaziun

Legenda: Guardar il video Arrivan ils pesticids da las plantaschas da maila dal Vnuost sur il cunfin?. Durada 03:03 minutas.
Or da Telesguard dals 18.04.2019.
cuntegn

Engiadina Il vent transporta pesticids: In problem per la Val Müstair?

En il Tirol dal Sid sa chatta la pli gronda producziun da maila en Europa. La gronda part da quests purs da maila lavura cun pesticids.

Millis e millis da bostgs da maila bain exact en lingia sco tar il militar – uschia sa preschenta il Tirol dal Sid. Dapi onns gia lavuran ils purs da quella regiun cun pesticids per cumbatter insects. Ina chaussa dispitaivla, ed i pudess durar anc onns enfin che la politica chatta ina soluziun.

Ultimamain ha il «Umweltinstitut München» fatg controllas per vesair quant influenza dal vent, respectiv quant che quel transporta ils tissis. Il resultat: ils pesticids vegnan transportads divers kilometers enfin amez ils vitgs, resumescha il president communal da Mals.

Quant ferma è pertutgada la Val Müstair

L’Uffizi per la natira e l'ambient dal Chantun Grischun vul evaluar quest resultats. Els han montà in’apparatura speziala che fa las mesiraziuns da l'aria. Ils da la Val Müstair, oravant tut ils purs biologics ma era il parc da natira Biosfera Val Müstair èn fitg interessads dals resultats che vegnan publitgads il pli baud en in onn.

Producziun da maila en il Tirol dal Sid

  • 7'000 purs da maila
  • 950’000 tonnas maila biologica ed integrala l’onn
  • 50% da la racolta taliana deriva dal Tirol dal Sid
  • 10% da la racolta europeica deriva dal Tirol dal Sid

RR actualitad 17:00