Siglir tar il cuntegn

Engiadina Ilia Chernousov ed Anouk Faivre Picon gudognan il maraton

Ilia Chernousov gudogna la trofea da capricorn tar ils umens, Anouk Faivre Picon quella da las dunnas.

Legende: Video 47avel Maraton Engiadinais abspielen. Laufzeit 1:46 Minuten.
Or da Actualitad video dals 08.03.2015.

Chernoussov dominescha

9 dis suenter la naschientscha da ses emprim uffant (ensemen cun la biatleta svizra Selina Gasparin) gudogna Ilia Chernousov il Maraton Engiadinais cun 1:34.50,1.

Per Cheronousov è quai l'emprima giada ch'el fa part al maraton d'Engidaina. El che habitescha en mo 5 minutas distanza da l'areal d'arrivada, ha uschia enconuschì bain il terren. L'utlima storta ha el anc piglià sin plaz 3. En il spurt ha'l però pudì survargar il Franzos Robin Duvillard e gudagnar per 1 dieschavel secundas. Il Svizzer Roman Furger ch'ha duvrà 8 dieschavels dapli che Chernousov. Sin plaz 4 suonda il meglier Grischun Jason Rüesch.

Questa victoria en mia 2. patria è fitg speziala.
Autur: Ilia ChernousovVictur Maraton Engiadinais 2015

Chernousov è spezialist per distanza lungas ed ha gudgnà bronz sur 50 kilometers als gieus olimpics a Sotschi.

Faivre Picon passa Roponen

Tar las dunnas gudogna la Franzosa Anouk Faivre Picon cun 1:39.35,3. Quai avant la favurita finlandaisa Riitta-Liisa Roponen e l'Americana Caitlin Gregg.

Megliera Svizra daventa Rahel Imoberdorf (8.) che perda bun 4 minutas sin Anouk Faivre Picon. Suenter la victoria dal 2012 èsi per Faivre la segunda victoria en l'Engiadin'Ota.

Questa victoria valia però dapli, ha ditg Faivre Picon, perquai ch'ella haja questa giada stuì dumagnar la favurita norvegiaisa Riitta-Liisa Roponen.

13'331 passlunghistas e passlunghists

Cun 13'331 passlunghistas e passlunghists è quai il terz-aut dumber da participaziun per il Maraton Engiadinais. Sulettamain il 1998 ed il 2014 èsi stà dapli participantas. Quai dapi ch'i dat il maraton en l'Engiadin'Ota ch'è stà quest onn per la 47avla giada.

Mez-maraton cun Grischunas e Grischuns sin il podest

En il mez-maraton ha gudagnà Andri Schlittler da Favugn cun 51.02,7 avant Cédric Keller da Gonten ed Armon Steiner da San Murezzan.

Tar las dunnas ha gudagnà Anita Moen dals Pajais Bass cun 55.35,2 avant Giuliana Werro da Zernez e Tiara Schimmelpfennig da la Germania.

Il decurs da la bunura

La perspectiva dal currider popular (Andreas Wieland)

Tweets e resultats dal Maraton engiadinais