Ils 21 d'october hai dà in incendi tar la staziun a val da la Bergkastelbahn a Nauders/Danuder. Las flommas han destruì tut la tecnica da la
pendiculara en la staziun a val. Las pendicularas stiman ils donns sin radund 5 milliuns francs. La raschun da l'incendi tar la staziun a val n'è betg enconuschenta. Las pendicularas eran londervi da renovar e modernisar la staziun a val.
audio
Reconstrucziun da la pendiculara a Nauders
04:02 min, ord Actualitad dals 28.10.2015.
laschar ir. Durada: 4 minutas 2 Secundas.
Reconstrucziun enfin ils 10 da december
Las pendicularas da Nauders vulan ussa reconstruir la staziun a val enfin ils 10 da december per uschia pudair salvar la stagiun da skis e surtut il temp impurtant durant Nadal. La reconstrucziun da la staziun a val en pauc dapli che 1 mais è dentant ina sfida enorma. Tant ils collavuraturs da las pendicularas, sco era las interpresas che furneschan la tecnica per la pendiculara ston ussa lavurar quasi di e notg per pussibilitar che la pendiculara possia cumenzar la stagiun d'enviern sco planisà ils 10 da december.
1 / 4
Legenda:
La Bergkastelbahn donnegiada suenter l'incendi dals 21.10.
Las lavurs da reconstrucziun han cumenzà suenter l'incendi.
RTR,D. Spinnler
2 / 4
Legenda:
La staziun a val da la Bergkastelbahn è arsa.
La staziun a val da las pendicularas è donnegiada dal tuttafatg.
RTR/D. Spinnler
3 / 4
Legenda:
Suenter in incendi sto Nauders refar dal tuttafatg la staziun a val da las pendicularas.
RTR, D. Spinnler
4 / 4
Legenda:
Lavurs da reconstrucziun.
Enfin ils 10 da december duai la staziun a val da la Bergkastelbahn a Nauders esser reconstruida.
RTR/D. Spinnler
