Engiadina - Ils Messis e Ronaldos dal cricket èn en Engiadina
Suenter tractativas da bun 6 onns ha l’hotel Badrutt’s Palace a San Murezzan cun ses directur Hans Wiedemann, pudì realisar per l’emprima giada in eveniment da cricket sin glatsch da renum internaziunal. Tut ils 24 stars dal sport englais èn perquai domiciliads en l’hotel da 5 stailas.
Per cuntentar ils giasts prominents, haja l’hotel Palace er da s’adattar als giavischs ed adis d’in’autra cultura. Uschè consista il buffet d’ensolver er da pasts tipics indics, ha declerà Claudia Jann – ella è responsabla per il marketing da l’hotel.
audio
Mezdi: San Murezzan Ice Cricket – Palace ed ils giasts da l'India
03:07 min, ord Actualitad dals 08.02.2018.
laschar ir. Durada: 3 minutas 7 Secundas.
Betg cun sandalas sin la naiv
Gì da gidar als giasts ch’èn arrivads en Engiadina pervi dal cricket, hajan ins er areguard la vestgadira. Plirs n’hajan fin uss anc mai vis naiv e na sajan era betg disads da trair en stgarpas chaudas empè da sandalas.
1 / 9
Legenda:
Ice Cricket a San Murezzan.
RTR, Anna Caprez
2 / 9
Legenda:
Impressiuns da l'Ice Cricket.
RTR, Anna Caprez
3 / 9
Legenda:
Impressiuns dal cricket sin glatsch.
RTR, Anna Caprez
4 / 9
Legenda:
Grond interess per il cricket sin glatsch.
RTR, Anna Caprez
5 / 9
Legenda:
Ils Ronaldos e Messis dal cricket che giogan a San Murezzan.
RTR, Anna Caprez
6 / 9
Legenda:
Ils Ronaldos e Messis dal cricket che giogan a San Murezzan.
RTR, Anna Caprez
7 / 9
Legenda:
Dal lai vesan ins siador sin il Palace.
RTR, Anna Caprez
8 / 9
Legenda:
Claudia Jann, responsabla per il marketing a l'Hotel Badrutt's Palace a San Murezzan.
RTR, Anna Caprez
9 / 9
Legenda:
La plazza per giugar al lai da San Murezzan è pronta.
RTR, Anna Caprez
Premiera er per aspectaturs
Spezial vegnan ad esser ils maletgs che la televisiun indica emetta live davent dal glatsch schelà da San Murezzan durant ils quatter gieus da cricket. Betg be che la culissa è tuttenina alva, er il fatg ch’i na dat mai uschè blers fans sin plaz sco durant in gieu da cricket da stad, fa daventar l'occurenza per tuts ina situaziun tut nova.
