Siglir tar il cuntegn
Inhalt

Engiadina Ils quatter trumbettists da Motre

In diplom da maister in sunar la trumbetta, quai datti propi e precis quel diplom han quatter giuvens da l'Engiadina'Ota fatg in october in Germania. Il spezial è ch'ils quatter musicants èn anc fitg giuvens.

Legende: Video Motre – la boy-group cun las trumbettas abspielen. Laufzeit 02:59 Minuten.
Or da Telesguard dals 22.10.2018.

Els èn dus giadas dus frars – il quartet Motre exista dapi dus onns ed è il resultat dal magister da musica da la scoula da musica d'Engiadin'Ota Anton Ludwig Wilhalm.

Diplom da maister

Ils quatter giuvens sunan in instrument dapi ch'els han circa sis onns. L'entschatta d'october han Simon & Gian Duri Gabriel e Janic & Noa Sendlhofer fatg il diplom da maister cun sunar la trumbetta. Quel diplom conferma, ch'els han in talent spezial.

Da nagut na vegn nagut

Ils trumbettists investeschan bler – els exerciteschan mintga di ed ina giada per emna s'entaupan els en quatter cun il magister da musica. Sper la scoula ed auters hobbies è quai magari intensiv, ma l'engaschament renda. Els han in concert suenter l'auter ed han plaschair londervi.

RR actualitad 17:10 / TSG 17:40