audio
Mezdi: Nova populaziun d'avieuls en Val Müstair
ord Actualitad dals 12.06.2015.
laschar ir. Durada: 4 minutas 21 Secundas.
Dapi quest onn è la Val Müstair part da quatter projects naziunals, che vegnan sustegnids e coordinads dad Apisuisse, l’uniun tetgala dals apiculturs Svizzers. Lur finamira è da stgaffir zonas da protecziun che pussibiliteschian in allevament pur da la razza da l'avieul nair.
Tenor Renata Bott, presidenta dals apiculturs da la Val Müstair ed inizianta da quest project, haja la reintroducziun da l'avieul nair duvrà gronda lavur da persvasiun tar singuls apiculturs. Dals radund 300 pievels han fin ussa numnadamain 90% pudì vegnir reintroducids culla razza indigena. Dentant n’èn betg tut ils apiculturs pronts da midar or cumplettamain lur pievels.