Impediments privlus per bikers sin sendas da Samedan

Nunenconuschents han mess ils davos dis pliras giadas rauba ch'impedescha il trail per bikers tranter l’Alp Muntatsch e Samedan. Tant la vischnanca sco er la Bike School Engadin sentenzieschan l’acziun da sabotascha.

Laschar ir video «Bike School e vischnanca da Samedan na portan betg plant - il mument»

Bike School e Samedan na portan betg plant - anc...

2:30 min, Actualitad video dals 2.9.2016
Sursiglir cuntegn supplementar

Fatgs giuridics pussaivels

Persunas blessadas:

  • blessura corporala simpla > enfin 3 onns praschun ubain multa
  • blessura corporala greva > 10 onns praschun ubain multa

Accident mortal:

  • mazzament per negligientscha > enfin 3 onns praschun u multa
  • mazzament intenziunà > almain 5 onns praschun

Sche nagin subescha donns:

  • disturbi dal traffic public > enfin 3 onns praschun u multa

La gruppa anonima da Facebook «Gegen Bikeverbot Muntatsch» ha publitgà fotografias da differents objects ch’èn vegnids posiziunads cun intenziun sin la senda per impedir il passagi. Cumenzà cun laina plunada, sur gronda crappa, fin tar in entir bloc d’ina planta, han nunenconuschents mess entamez la senda. Ina senda ch'è dada libra uffizialmain da la vischnanca sco biketrail.

Privlus e primitiv

Christoph Bütler da la Bike School Engadin ha declerà ad RTR ch’el e ses collegas hajan gia gì dad allontanar pliras giadas ils impediments privlus sin il trail. Tenor el possian ins discurrer d’ina acziun primitiva e surtut privlusa. Entant haja era la gruppa da lavur communala mess puspè ord via ils impediments. Ni la vischnanca, ni la Bike School Engadin veglian actualmain purtar plant encunter nunenconuschent tar la polizia.

Destinaziun turistica renviescha responsabladad

Sin dumonda dad RTR declera Roberto Rivola, pledader da la destinaziun Engiadina San Murezzan, ch’ins deploreschia quests eveniments, ch’il cas sco tal restia dentant en la cumpetenza da la vischnanca da Samedan.

Fotografias dals impediments sin via