Siglir tar il cuntegn

Header

cuntegn

Implant idraulic cuminaivel En Gronds retards – auts custs

140 milliuns euros dapli per realisar il pli grond implant idraulic cun aua currenta en las Alps, tranter la Svizra e l'Austria.

Gist numerusas situaziuns nunspetgadas hai dà tar la construcziun da l'implant idraulic GKI sin il cunfin tranter las Svizra e l’Austria durant ils ultims onns.

Per l'ina han ins stuì engaschar duas giadas ina nova firma. L’emprima giada en connex cun ils problems geologics betg previs sco er cun ils retards ch'igl ha dà cun construir la galaria da 23 kilometers. Ed uss causa problems da persunal e finanzas da quella firma incumbensada durant la construcziun dal mir da serra ad Ovella a Martina.

audio
Implant idraulic GKI cun retard ed auts custs
ord Actualitad dals 02.07.2020.
laschar ir. Durada: 2 minutas 40 Secundas.

Durant l’enviern eran ils rempars da lavinas emplenids cun naiv, uschia ch'ils collavuraturs na dastgavan betg lavurar sin il plazzal. Ina autra giada ha ina lavina chaschunà per ina inundaziun dal plazzal e finalmain – e quai è la situaziun actuala – è ina firma spezialisada vidlonder da segirar las paraids per evitar crudada da crappa.

Tut quai chaschuna in augment massiv dals custs, previs era ina investiziun da 460 milliuns euros – ussa prevesan ins expensas da radund 600 milliuns euros enfin tar l’avertura che duess esser la fin da l'onn 2022.

RTR actualitad 08:00

Artitgels legids il pli savens