Siglir tar il cuntegn

Header

video
Parc solar Scuol: reacziuns dal Chantun e da la protecziun da la cuntrada
Or da Telesguard dals 16.11.2022.
laschar ir. Durada: 1 minuta 31 Secundas.
cuntegn

Implant solar Scuol Dumondas avertas davart la protecziun da la cuntrada

Mardi saira ha la radunanza da burgais vuschà unanimamain Gea per la construcziun dal parc solar da maximalmain 35 hectaras sur Scuol. Entant ch'il chantun sa mussa bainvulent, ha la Fundaziun svizra per la protecziun e la tgira da la cuntrada anc dumondas avertas.

Mario Cavigelli dì ch'i dettia ina gronda bainvulientscha da la vart dal chantun per promover implants solars. I dettia in'avertezza dals uffizis per collavurar vi da tals projects. I saja er bain pussaivel che Scuol vegnia a realisar ses project en in curt temp. El intuna dentant che las leschas da la protecziun da la natira e da la cuntrada u las auas duain vegnir resguardads, er sch'ins veglia far prescha.

Protecziun da la cuntrada vul vesair il project concret

audio
La protecziun da la cuntrada davart l'implant solar a Scuol
ord Actualitad dals 16.11.2022.
laschar ir. Durada: 2 minutas 25 Secundas.

Raimund Rodewald da la Fundaziun svizra per la protecziun e la tgira da la cuntrada di ch'els sustegnian en general l'energia solara. Els prefereschian dentant da montar implants sin tetgs d'edifizis existents u per exempel sin rempars da lavinas, la saja il potenzial il pli grond en Svizra. Els na veglian dentant betg refusar dal tut implants sin surfatschas libras sco a Scuol. Quest project na saja dentant anc betg sviluppà avunda per trair ina decisiun, uschia Rodewald.

La Fundaziun per la protecziun vegnia a sustegnair projects solars cumportabels per la cuntrada. Tar il project da Scuol spetgian els che la vischnanca ed il chantun collavurian per propi chattar ina buna soluziun.

RTR Telesguard 17:40

Artitgels legids il pli savens

Scrollar a sanestra Scrollar a dretga