Cun quels pleds ha il president da la secziun, Beat Cantieni, beneventà ils radund 40 preschents a la radunanza generala da la societad.
Schliar la secziun regiunala
En globo ha la radunanza confermà la suprastanza da la secziun. Quai anc per in temp d’uffizi d’in mez onn. A la radunanza generala da l’uniun grischuna d’impressaris il 1. da mai 2015 duain las differentas secziuns numnadamain vegnir adattadas a las novas regiuns politicas. Perquai duai la secziun Engiadin’Ota e valladas talianas vegnir schliada.
Secziun Engiadin’Ota è la pli ritga
Cunquai che la societad engiadinaisa ha ina bella facultad sin il conto, ha la radunanza decis da stritgar quest onn la contribuziun annuala per las interpraisas. Plinavant vegnan ils impressaris a giudair in viadi cun la societad a Milano.
Tge ch’ins vul far cun il rest dals raps, na saja anc betg cler. Probabel saja, tenor Beat Cantieni, ch’ins fundass in fondo per promover la lavur dals giarsuns. Quella resta numnadamain ina da las pitgas las pli impurtantas dal sectur da construcziun, ch’ins vul er mantegnair e promover vinavant intensivamain.