Siglir tar il cuntegn

Header

Radunanza da la societad d'impressaris da las vals dal Sid
Legenda: Radunanza da la societad d'impressaris da las vals dal Sid RTR, Georg Luzzi
cuntegn

Impressaris Grischuns La construcziun bassa vegn ad esser era enavant il motor

La societad grischuna d’impressaris da las vals dal Sid han envidà ad in perit – las previstas en il sectur da fabrica èn bunas.

Il tema segundas abitaziuns e lura era l’istorgia dischagreabla dal cartel da construcziun, han dà ferm da discurrer ils davos tschintg onns. Ma tuttina, tar il referat da Klaus Jank, responsabel per prognosas tar la BAK Basilea, ha il sectur da fabrica profità oravant tut da grondas lavurs en il sectur da construcziun bassa ed era la realisaziun d’abitaziuns affittadas.

In sguard enavant

En il sectur da construcziun bassa resta il volumen era ils proxims tschintg onns aut. La fabrica d’abitaziuns affittadas ha percunter gì ses zenit, tenor l'expert.

Klaus Jank prognostitgeschia per l'avegnir era in'adattaziun dals fits per ipotecas, in auzament da quels spetgian ins ils proxims dus enfin trais onns.

Impressaris engiadinais

Malgrà l’iniziativa ed era il cartel, ils impressaris engiadinais èn cuntents cun la situaziun actuala e guardan positiv en l’avegnir. Midadas d’edifizis, renovaziuns d’hotels ed oravant tut lavur dal maun public vegnan ad esser las pitgas per ils proxims onns.

RR actualitad 12:00