Siglir tar il cuntegn
cuntegn

Engiadina In ad in – simplamain 100 giadas pli pitschen

Andreas Hui dad Ardez è constructur da model da trenins. La finamira è da construir quels uschè precis sco ma pussibel.

Legenda: Guardar il video Andreas Hui ha realisà ses semi – trens da miniatura. Durada 03:28 minutas.
Or da Telesguard dals 19.12.2018.

Mintga punct al dretg lieu, la colur exact l'originala, las glischs alvas e cotschnas che funcziunan ed era l’interiur exactamain quel da l'original, quai vul Andreas Hui agiunscher.

Dapi 25 onns construescha el models da trens ad Ardez. Sco mattatsch ha el vivì en la chasa da la staziun da Bubikon en il chantun Turitg. Ses bab era là il capo staziun. Andreas Hui era fascinà da quels trens, ma tuttina ha el fatg ina scolaziun sco cuschinier e pli tard lavurà sco camarier. Ma tuttenina ha el gì in siemi.

Jau hai decis dad in di a l’auter da bandunar Turich e da daventar constructur da models da tren ad Ardez
Autur: Andreas HuiConstructur da models da tren

Trens betg propi per uffants

Il pli grond success ha el gì cun il tren da las Viafiers federalas svizras. La locomotiva cun ils vaguns dal ICN ha el construì 65 giadas e quai tut a maun. In da quests trens custa radund 6’500 francs.

Andreas Hui enconuscha ses clients persunalmain, ses giavischs e basegns. Oz lavuran dus enfin trais collavuraturas ad uras tar sia pitschna firma ad Ardez. E sco Hui ha menziunà, ha el lavur avunda ils proxims dus enfin 3 onns.

RR actualitad 11:00