Siglir tar il cuntegn
cuntegn

Engiadina In centimeter naiv si u giu – e la pernottaziun custa 50% damain

Sch'i ha damain che 5 centimeters naiv a Samignun pajan ils giasts be la mesadad da lur pernottaziun – e quai en trais hotels a Samignun. La premissa è ch'ils giasts han la segiranza per ina garanzia da naiv.

Legenda: Guardar il video Samignun, sia segiranza da naiv – ed il CEO. Durada 03:41 minutas.
Or da Telesguard dals 22.11.2018.

Per la nova stagiun d’enviern datti a Samignun ina segiranza tut nova: Ils trais hotels da Zegg dattan numnadamain a lur giasts la pussibilità da far ina segiranza da garanzia da naiv.

L'idea: Hai damain che 5 centimeters naiv en il vitg da Samignun custa la pernottaziun be pli la mesadad per quels che han fatg la segiranza. La segiranza custa 5% da la pernottaziun.

L'acziun da marketing è dentant limitada

L’acziun che dura fin ils 21 da december ha cumenzà la gievgia e perquai ha mesirà il directur dals trais hotels, Daniel Eisner, la naiv: Sin il Pra Grond a l'ur dal vitg eran 4,5 centimeters naiv.

Malgrà quai n'haja oz gievgia anc nagin pudì profitar da l'acziun – ils emprims segirads arrivian pir questa saira. Sch'i na vegn betg a naiver la proxima notg a l'improvista vegnan els a profitar da la mesiraziun da damaun.

Enfin uss sajan dentant vegnidas fatgas pir segiranzas per radund 100 pernottaziuns. El avess fatg quint cun dapli segiranzas vendidas, ha ditg il directur Daniel Eisner.

Telesguard 17:40