Pli baud finiva perfin il rendaquint annual da la vischnanca da Zuoz il 1. da mars. Entant han ins adattà il modus a quel chantunal. Restadas èn las tschernas da Chalandamarz ch’han adina lieu quel di a Zuoz. Nov cumenza il temp d’uffizi dals nov-elegids dentant pir il zercladur.
Cortegi da 1,5 dis
Entant ch’il cortegi da Chalandamarz durava avant onns anc trais dis, chaminan ils mats stgellond oz anc in di e mez tras vischnanca. Chantà èn las chasas vegn anc en il minz da Zuoz, nua che las chasas engiadinaisas han insumma anc in suler per laschar entrar ils scolars.
Trippa e testina
Per ils scolars segua il suentermezdi e la saira in bal da Chalandamarz. Ils creschids festiveschan ils resultas da las tschernas en ustaria. Tradiziunalmain serva pli u main mintgina quel di tratgs sco trippa e testina (Kalbskopf). Da dessert datti chastognas cun groma.
Impressiun dal Chalandamarz d'ulteriuras vischnancas
RR actualitad 07:00
