Siglir tar il cuntegn

Header

video
«Manufucktura» – dildos made en Engiadina
Or da Telesguard dals 03.03.2021.
laschar ir
cuntegn

In'idea da fatschenta unica «Manufucktura» – dildos made en Engiadina

Atgnamain cuntenta Tino Andri cun sia lavur in dals pli vegls basegns da l’umanitad. Archeologs svedais han chattà avant onns in fallus ord corna da tschierv che deriva para dal temp da crap. Tut tenor questa tradiziun vegliandra construescha er il scrinari d’Ardez ditg simpel, pimpels artifizials.

Ord ina idea sturna durant il temp da corona ha Tino Andri lantschà ina nova idea da fatschenta. Dildos da lain, artisanadi ord sia «Manufucktura» engiadinaisa. Ils emprims sis models che vegnan turnads ord lain nuscher portan ils nums Vallader, Jauer, Sursilvan, Puter, Sutsilvan e Tuatschin . Differentas furmas e grondezzas tut tenor idiom.

Jau na vi betg pretender da savair co tut ils originals Sursilvans ni Puters vesan ora. Las furmas da mes dildos derivan forsa simplamain da la vita. Jau ma met avant co i savess far bain. Quai ch’jau hai fatg fin ussa para dad esser bun.
Autur: Tino Andriconstruider da dildos, Ardez

In emprim exemplar che Tino Andri ha construì e regalà ad ina amia solitaria ha mess en moviment l’entira idea. Cun agid d'ina collega ed in colleg che lavuran en la branscha da marketing e grafica ha il scrinari transfurmà sia scrinaria da mobiglias en la «Manufucktura» da dildos. Fatg a maun per far a maun – lain enstagl plastic – made en Engiadina.

Ord l'archiv:

video
Kondome und Idiome
Or da Muschkito dals 05.12.1993.
laschar ir

TSG 17:40

Artitgels legids il pli savens

Scrollar a sanestra Scrollar a dretga