Siglir tar il cuntegn
Inhalt

Engiadina In urs sa chatta il mument en Val Müstair

En la Val Müstair datti puspè in urs. Quai ha confermà il parsura da l'Uffizi da chatscha e pestga grischun Georg Brosi envers RTR.

Ina tabla che avertescha avant l'urs.
Legenda: L'urs che sa chatta il mument en la Val Müstair n'è para betg in urs che fa problems. RTR, G. Hosang

Attents stoppian ils purs esser che han anc muvel en il liber, ha ditg Guolf Denoth schef guardiaselvaschina da il territori Engiadina Bassa/Val Müstair.

Para nagin urs da problems

Uschiglio na tractia quai betg d’in urs da problems, cunquai ch’el portia nagin emettur, ha ditg Denoth. Para n’è l’urs er betg per l’emprima giada en la Val Müstair. Gia la stad è l’urs vegni vis en la Val Müstair. L’urs sa mova stedi tranter l’Italia e la Svizra, il mument vegn observà sche l’urs fa er questa giada il medem.

RR novitads 12:00