Siglir tar il cuntegn

Header

cuntegn

Engiadina In vitget dad Ice Stupas a Morteratsch

Il project dals stupas da glatsch duai crescher quest enviern e daventar pli visibel e pli accessibel. Quai la finamira dal glaziolog da Samedan Felix Keller. Perquai duai crescher in entir vitget dad Ice Stupas a Morteratsch suenter ch'i ha dà l'enviern passà in stupa en la Val Roseg.

audio
Saira: In vitget dad Ice Stupas a Morteratsch
ord Actualitad dals 20.10.2017.
laschar ir. Durada: 3 minutas 11 Secundas.

Ils skelets da roma per dus stupas da glatsch stattan entant sin il prà vis-à-vis da la staziun da tren Morteratsch. Ulteriurs otg duain sche pussaivel suandar anc avant che la naiv riva. Cun quai duai crescher «la pli bella vischnanca da glatsch en Svizra». Quai en mintga cas il giavisch dal glaziolog Felix Keller.

Ils stupas da glatsch duain en emprima lingia sensibilisar per la problematica da la mancanza d'aua. Els duain dentant era vegnir inscenads turisticamain, tranter auter cun excursiuns regularas che la vischnanca da Puntraschigna organisescha.

Il nov lieu ch'è accessibel cun auto e tren è per quest intent ideal. Il stupa ch'è vegnì installà l'onn passà en la Val Roseg saja stà memia lunsch davent per nizzegiar quel turisticamain, uschia Keller.

Reservuars d'aua

Inventà il stupa da glatsch ha l'inschegner Sonam Wangchuk da Ladakh en l'India. El ha survegnì per sia invenziun il Rolex Award for Enterprises l'onn passà e collavura stretg cun il project a Morteratsch.

La finamira dal stupa è da rimnar aua durant l'enviern e crear ina sort da glatscher artifizial che serva la primavaira sco reservuar d'aua.

RR actualitad 17:00

Artitgels legids il pli savens