Siglir tar il cuntegn

Engiadina In zic sco in carussel: la sutgera da Languard

Igl è ina sutgera pitschna per duas persunas – dentant è ella unica en l'Europa. Igl è numnadamain l'unica sutgera che fa ina gronda storta e mida direcziun. La sutgera è fitg plauna, ma per la paja pon ins giudair la survista.

Legende: Video Penditura: La sutgera da Languard abspielen. Laufzeit 0:53 Minuten.
Dals 28.07.2016.

Il motiv che la sutgera va mo plaunet vers l’alp Languard è, ch'ella è gia pulit veglia (1991) e n’è betg accuplabla. Uschia ston ins laschar ir la sutgera plaun, uschiglio fiss quai malsegir e pac empernaivel da seser sisur.

Suenter circa in terz dal tschancun spetga il punct culminant dal viadi. La sutgera fa lura ina pulita storta, quai grazia ad ina roda cun dents. I dat ina pitschna scurlattada e suenter va i vinavant a dretg ora.

Sisum la sutgera sa chatta in restaurant e davent da là pon ins ir a chaminar vers Muottas Muragl. Sin il viadi vers Muottas Muragl passan ins sperasvi tar il Munt da la Bês-cha.

Selina Nicolay ed il Munt da la Bês-cha

maina il restaurant sin il Munt da la Bês-cha sin 2230 meters sur mar.
Legenda: Selina Nicolay maina il restaurant sin il Munt da la Bês-cha sin 2230 meters sur mar. RTR, Fabia Caduff

Selina Nicolay maina il restaurant sin il Munt da la Bês-cha sin 2'230 meters sur mar. Mintga di fa ella il viadi da Bever fin tar il restaurant. Ensi vai cun la pendiculara ed engiu a pe.

Perquai ch'il restaurant n'è betg cuntanschibel directamain cun auto ni cun ina pendiculara, ston las bavrondas vegnir transportadas cun in helicopter. Las mangiativas portan Selina e ses team sez enfin en il restaurant. Gia il basat ed il non da Selina Nicolay han manà il restaurant da la Bês-cha.

RR actualitad 11:00