Siglir tar il cuntegn

Header

video
Ina buna idea chatta sia cuntinuaziun
Or da RTR dals 19.12.2018.
laschar ir. Durada: 2 minutas 31 Secundas.
cuntegn

Engiadina Ina bun’idea da l'onn 1970 chatta uss sia cuntinuaziun

In'attracziun nova per la Lagalb – il nov club da skis 8848 duess attrair dapli giasts sin la muntogna e laschar reviver regurdanzas dals onns 1970.

L’onn 1970 è vegnì fundà in club da skis cun il num 8847 Piz Lagalb – Mount Everest. Quest club era da ses temp svelt enconuschent internaziunal – perfin il primminister dal Canada u il Shah da la Persia cun ses 19 Bodyguards eran commembers dal club da skis 8847.

audio
Saira: Revival dal Club 8848 a Labalb
ord Actualitad dals 19.12.2018.
laschar ir. Durada: 2 minutas 41 Secundas.

La Challenge

Las cundiziuns d’admissiun per pudair esser commember dal club èn stadas pretensiusas. Mintgin ha stuì ir 11 giadas cun ils skis giu per la pista da la Lagalb, ina giada far la pista Minor ed ina giada sin il Piz Lagalb cun skis e bastuns e tut quai entaifer 1 di – las dunnas han gì temp in di e mez. Suenter la Challenge è il nov commember lura vegnì battegià en la chamona dal club.

Medems intents

La situaziun finanziala n’era betg simpla, gia da ses temp. L’intent da la fundaziun dal club è stà, dad attrair dapli giasts sin la muntogna. Era oz è l’idea restada la medema.

21-12-2018

Venderdi, ils 21-12-2018 è la festa d’inauguraziun ed a partir dals 22-12-2018 po mintgin/a sa participar a la Challenge e daventar commember dal nov club 8848.

TR Telesguard 17:40

Artitgels legids il pli savens