Engiadina - Ina giada battasenda – adina battasenda
Mintg’onn organiseschan ils Battasendas Engiadin’Ota in di da las portas avertas. Uffants da las classas pitschnas duajan vegnir animads da partecipar a las aventuras en il guaud.
Legenda:
Il gieu è l'impurtant al di da fufragnar.
RTR, Georg Luzzi
2 / 6
Legenda:
La stria ed il nanin a la lavur cun lur gruppas d’uffants.
RTR, Georg Luzzi
3 / 6
Legenda:
Las manadras ed ils manaders beneventan ils pitschens interessents.
RTR, Georg Luzzi
4 / 6
Legenda:
Il nuv tradiziunal dal faziel da culiez dals Battasendas Engiadin’ota.
RTR, Georg Luzzi
5 / 6
Legenda:
La diala construescha ina bachetta magica ensemen cun ils uffants.
RTR, Georg Luzzi
6 / 6
Legenda:
Ils manaders dals Battasendas Engiadin’Ota vestgids sco figuras da fantasia.
RTR, Georg Luzzi
Animar la fantasia dals uffants, quai è il tema dal di da las portas avertas en la chasa dals Battasendas Engiadin’Ota. Striuns, nanins, dialas e strias beneventeschian ils pitschens uffants cun lura mammas e babs. Ils manaders dals battasendas giogan lur rolla excellent – ils uffants èn fascinads.
audio
Bunura: Fufragnadi Battasendas Engiadin'Ota
02:21 min, ord Actualitad dals 19.09.2016.
laschar ir. Durada: 2 minutas 21 Secundas.
Differents posts
Tar la diala emprendan ils uffants a far ord in lain ina bartgetta magica. Il nanin mussa a rampignar e tar la stria vegnan raquintadas las istorgias miraculusas e dasper vegn bavì ina bavronda magica.
La finamira
Da pitschen ensi duai l’uffant emprender a giugar cun mez simpels, da far fieus, da giugar in cun l’auter e da surpigliar responsabladad. Ils Battasendas Engiadin’Ota existan dapi 4 onns, avant aveva San Murezzan ed era Samedan in agen club.
