Siglir tar il cuntegn

Header

In capricorn davos ina muntogna, ins vesa mo las cornas.
Legenda: Enfin uss n'aveva il Migros betg success cun vuler far filialas en Engiadina. Keystone
cuntegn

Engiadina Ina giada dapli - Migros vul ir en Engiadina

En trais fin tschintg onns vul la Migros avair duas fin trais stizuns en l'Engiadina. Quai ha ditg il pledader da la Migros da la Svizra orientala, Andreas Bühler en la gasetta «Sonntagsblick».

La Migros è il pli grond commerziant da detagl da la Svizra. Ella ha 1’015 fillialas – dentant nagina en Engiadina, malgrà ch'ella sa stenta dapi onns persuenter.

I ha adina puspè dà recurs cunter la construcziun da las filialas. Il nom Migros è preschents en Engiadina unicamain cun ina pitschna filiala da Migrolino a Samedan.

Las premissas paran meglras

Uss paran las premissas dentant meglras. «Ils discurs èn positivs. Nus avain en mira plirs lieus en l'Engiadin'Ota e Bassa» ha confermà il pledader da la Migros da la Svizra orientala, Andreas Bühler. Las aspettaivas èn autas: Els sajan pir cuntents cura che la Migros avess duas enfin trais atgnas butias en Engiadina – uschia Bühler vinavant en envers la gasetta.

Er discounter Lidl vul ir en Engiadina

Er in auter grond player en il sectur dal commerzi da detagl, il discounter tudestg Lidl è interessà vi da l’Engiadina. Quai scriva la gasetta en il medem artitgel, citond la pledadra da Lidl, Corina Milz.

RR novitads 06:00

Cumprar en en Engiadina

Gia preschents en Engiadina èn sper las butias che n'èn betg colliadas cun ina chadaina pli gronda:

  • il commerziant da detagl Coop (7 lieus da vendita)
  • il discounter Denner (4 satellits) che appartegna a la Migros
  • il discounter Aldi (1 filliala)
  • ed en emprima lingia il Volg (17 lieus da vendita).

SoBli/ij

Artitgels legì il pli savens

Nach links scrollen Nach rechts scrollen