Siglir tar il cuntegn

Header

video
Scena Rotstift reloaded
Or da RTR dals 01.04.2016.
laschar ir. Durada: 49 Secundas.
cuntegn

Engiadina Ina giada perfecziunist, adina perfecziunist

Jürg Randegger, commember da l’anteriur ensemble «Cabaret Rotstift» è turnà sin il palc per ina versiun cumplettamain nova cun singuls elements da pli baud. Era cun ses 81 onns vul il magister adina avair tut perfect e pretenda quai er da ses collegas.

Las emprovas avant la represchentaziun èn perquai da grond’impurtanza per l’anteriur magister che è puspè turnà sin il palc suenter ina pausa da passa 13 onns.

Rotstift reloaded
Legenda: Christian Jott Jenny, Jürg Randegger ed Andreas Matti durant Rotstift reloaded. mad

Il «Cabaret Rotstift» aveva sa retratg en matg dal 2002 cumplettamain suenter che l’ensemble ha pudì giudair passa 50 onns da success.

Adina puspè elavurà

Per che Jürg Randegger fetscha part da «Rotstift reloaded» ha il scriptur dal toc Christian Jott Jenny duvrà trais onns lavur da persvasiun.

La tema ch’i dat in recycling dal «Cabaret Rotstift» è stada fitg gronda
Autur: Jürg Randegger cabarettist

Finalmain sajan las emprimas ideas da Jenny stadas persvadentas. Entant ha l’ensemble gia mussà passa 40 represchentaziuns.

audio
Mezdi: Cabaret Rotstift reloaded
ord Actualitad dals 01.04.2016.
laschar ir. Durada: 4 minutas 8 Secundas.

Inauguraziun d’ina rundella

Durant 90 minutas insceneschan Christian Jott Jenny, Andreas Matti e Jürg Randegger in’emprova per inaugurar ina rundella en onur dal «Cabaret Rotstift» entamez la citad da Schlieren.

Accumpagnads dals quatter musicists datti in mix da chant, dialogs cun paiver e poesias recitadas. Jürg Randegger gioga a sasez ed è giast d’onur tar la festa per il nov obstachel.

Artitgels legids il pli savens