Siglir tar il cuntegn

Engiadina Ina pitga provisorica per diminuir il donn

Il schaner è vegnida giu ina lavina sin il Pass dal Fuorn. Quella è cupitgada cun ina pitga d’auta tensiun. L’ovra electrica Ova Spin è dapi in mais ord funcziun.

Legende: Video Reparatura spectaculara abspielen. Laufzeit 02:27 Minuten.
Or da RTR dals 19.02.2018.

L’ovra electrica Ova Spin è dapi la lavina dal schaner sin il Pass dal Fuorn ord funcziun. Mintg’emna munta quai ina sperdita da radund 250’000 francs. Las Ouvras Electricas d'Engiadina SA OEE èn perquai vidlonder da montar ina pitga provisorica.

Oravant tut saja la demontascha da la pitga veglia stada ina sfida per la firma Repower ed ils collavuraturs spezialisads. Quella steva sut ina tensiun enorma, uschia la pledadra da la firma Repower.

Ina pitga provisorica

Tar la pitga provisorica sa tracti d’elements da radund duas tonnas che vegnan sgulads da Zernez al lieu. La pitga cumpletta vegn lura ad avair in'autezza da radund 75 meters.

Las OEE han grond interess che las lavurs vegnian fatgas il pli svelt pussaivel. Ils responsabels fan quint da puspè pudair metter en funcziun l’ovra electrica Ova Spin il pli tard la fin dal mais favrer.

RTR Telesguard 17:40