Siglir tar il cuntegn
Inhalt

Engiadina Inauguraziun dal Mountain Hub a Ftan

A l'Institut Otalpin è vegnì inaugurà la gievgia suentermezdi il nov center regiunal per cumpetenza d'informatica.

Uffants e giuvenils vi da computers.
Legenda: A Ftan è vegnì inaugurà in project da pilot. MAD, Mayk Wendt

Ensemen cun la fundaziun Mia Engiadina, la Società Pro IOF ed il Patrinadi svizzer per vischnancas da muntogna ha l'Institut Otalpin realisà ina cuntrada moderna per sa fatschentar cun mediums electronics ed informatica e quai en accordanza cun il plan d'instrucziun 21. Il center d'informatica cun 40 plazzas da lavur stat a dispoziun als scolars e las scolaras da l'institut, ed er als uffants da la regiun. Ultra da quai servan las localitads sco terz Mountain Hub da Mia Engiandina.

La realisaziun dal center ha custà 530'000 francs. Il Patrinadi svizzer per vischnancas da muntogna ha sustegnì las investiziuns cun 405'000 francs.

RR novitads 17:00