Curt suenter las 21:20 uras la sonda saira ha la Polizia chantunala grischuna survegnì l'annunzia ch'i dettia ferm fim tar ina scrinaria a Müstair. Ils pumpiers ch'èn stads en acziun cun radund 20 persunas han chattà en il tschaler chaussas sin in regal che brischavan. Quellas chaussas hajan els pudì stizzar svelt.
Entras il fim fitg ferm hai dentant dà donns considerabels. En il magasin da furnier hai dà donns da plirs dieschmilli francs. La polizia investighescha per chattar la raschun per il fieu.
RR novitads 12:00