audio
Acziun da barat da rollas a Puntraschigna
ord Novitads dals 27.01.2016.
laschar ir. Durada: 2 minutas 44 Secundas.
Radund 2400 persunas han survegnì quests dis posta da Puntraschigna turissem cun in talun per sa participar ad ina concurrenza. Sin 200 cartas è zuppà in numer ch’ins ha da sgrattar liber.
Il victur gudogna ina pernottaziun per duas persunas cun ensolver en in dals 20 hotels a Puntraschigna. En tut ha l'uniun mess a disposiziun 10 bons.
Emprender da las experientschas
L’intent da la cumissiun che s’occupescha da la strategia che Puntraschigna ha elavurà, è da survegnir in resun suenter il barat da la rolla da l’indigen cun quella d’in giast.
Ils bons da pernottaziun sajan valabels durant in onn ha declerà Sabrina Casty, la responsabla da marketing tar Puntraschigna Turissem. La reservaziun da la stanza duai vegnir fixada tranter il giast ed il singul hotel.