Siglir tar il cuntegn

Header

video
L'indriz d’alarm per selvaschina a Puntraschigna
Or da Telesguard dals 08.01.2021.
laschar ir
cuntegn

Indriz d’alarm per selvaschina Quasi nagins accidents pli sin il traject davant Puntraschigna

Betg la selvaschina mabain l’automobilist vegn infurmà da star attent sin via. Avant radund 10 onns ha la secziun da chatscha Albris sut la batgetta dal president Gian Carl Lutz inizià la montascha dad in sistem che duai evitar accidents cun selvaschina sin il traject avant la vischnanca da Puntraschigna.

audio
Quasi nagins accidents sin traject a Puntraschigna
02:31 min, Actualitad dals 03.12.2020.
laschar ir. Durada: 02:31 minutas.

In sistem cun success

Suenter 10 onns possian ins dir, ch'il sistem saja sa verifitgà. Da radund 10 accidents l’onn sajan quels sa reducids sin quasi nagins pli, uschia il guardiaselvaschina Daniel Godly.

Cameras termicas registreschan la temperatura dad in animal en vischinanza da la via principala. Sinaquai vegn immediat activà ina tabla d’infurmaziun al cumenzament. Quella avertescha da reducir il tempo cun l'auto. Il traject è radund 870 meters lung ed ha custà radund 150’000 francs.

Las cameras che registreschan la temperatura dals animals
Legenda: Las cameras che registreschan la temperatura dals animals RTR, Dario Müller

RTR actualitad 12:00

Artitgels legids il pli savens

Scrollar a sanestra Scrollar a dretga