Siglir tar il cuntegn

Header

La chasa communala da Zernez
Legenda: La chasa communala da Zernez RTR, Georg Luzzi
cuntegn

Iniziativa a Zernez Betg mintga fracziun sto esser represchentada en suprastanza

A Zernez decida la radunanza communala questa saira davart l'iniziativa che vul abolir la regla, che mintga fracziun ha in represchentant en la suprastanza communala. Era la politica communala sustegna quella posiziun.

Il 2019 è vegnida inoltrada ina iniziativa a Zernez. Passa 100 abitantas ed abitants han suttascrit quella. L'iniziativa pretenda ina suprastanza ed in cussegl da scola legitimà democratic. En avegnir duessan ils candidads pia vegnir elegids independent da la fracziun, nua ch’els abitan. La constituziun communala actuala pretenda numnadamain, che mintga fracziun sto esser represchentada cun in commember en la suprastanza.

La vischnanca va in pass enavant

Ultra da questa iniziativa propona il cussegl communal er, ch'ins chatta en l'avegnir sco emprim candidatas e candidats per la suprastanza communala, avant che organisar in segund scrutini. Pir cura ch'ils candidats e las candidatas èn enconuschents, duai pia vegnir organisà il segund scrutini, nua che la maioritad relativa vala.

Uschia possian ins evitar che singuls commembers dals gremis politics vegnian elegids cun mo ina vusch – sco quai era capità il 2018, argumentescha il cussegl communal.

RTR actualitad 12:00

Artitgels legids il pli savens

Scrollar a sanestra Scrollar a dretga