Uss che tut è bunamain pront per vegnir realisà, datti opposiziun cunter ils plans d’in nov hotel.
Sco che Nuot Saratz, il cussegliader dal comité d’iniziativa ha declerà, na sajan ins betg en general cunter la realisaziun d’in hotel sin la plazza Roseg. Dentant sajan las dimensiuns da l'edifizi exageradas ed impedeschian l'utilisaziun da l’infrastructura da sport e trategniment fermamain. A la fin finala èn 40 % dals votants da Puntraschigna che sustegnan l’iniziativa persvadids da quai.
Dumondas avertas
Per il president communal da Puntraschigna Martin Aebli saja dentant anc avert sche l’iniziativa saja insumma valaivla tenor la constituziun communala. Quai saja uss dad examinar. Ultra da quai n’ha Aebli nagina chapientscha che la gruppaziun agescha pir ussa – uss che bunamain tut fiss pront sin maisa.
En ina conferenza da medias ha Nuot Saratz dentant declerà ch’ils abitants da Puntraschigna hajan pir realisà las dimensiuns dal project «Al Flaz» avess cura ch'ins aveva montà ils profils il matg da quest onn.
Investiders spetgan
Sco ch'in dils investiders dil project «Al Flaz» han ditg a Radiotelevisiun Svizra Rumantscha piglian els per il mument simplamain enconuschientscha da da l’iniziativa inoltrada.
La suprastanza communala da Puntraschigna ha uss trais mais temp per tractar l’iniziativa e decider ils proxims pass en connex cun ils plans per il hotel sin l’areal a l’ur da la vischnanca.
RR actualitad 17:00